e... jema u splitu mora, a i plaža. sad ću poč svaki dan na drugo misto.
{jerbo čin san tri litrata s merjana stavila na internet počele tu stizat ružne kurbetine, štrace, škovace, kurbini sinovi, lupeži, lupeške čere, falsifikatori, itd, ono, najgore dno dna ovega grada.
pored svih plaža, plovila, vozila, mista i svita nemaju di pantagane doč, vengo di san ja.
pamet ka ča znate nije priljepčiva, ja niman namjeru udomljavat nikoga, a nisan ni humanitarna organizacija, pučka kužina itd.
nisan ni policijot, institucija i svi oni koji bi se takvima tribali bavit.
sad svaki dan gren na drugo misto, pa soli na rep, e... doduše rep niman, ali to se tako reče.}
danas san bila plivat di san zadnje plivala na 1.11.2013.
bačvice, e...
sitila me njih đuke nikidan kad je gostovala u emisiji damin gambet. priča kako ujutro najranije gre preplivat bačvice. od kraja do kraja vale i nazad opče nije malo, lipa je to rutica. izguštala san se jutros samo tako.
priča đuke i još kako trening triba bit u 6 uri ujutro. i kako to nisu mogli razumit ni u hrvatskoj ni u švicarsku. ja je razumin. jema prav.
u ajduka juniori imaju trening oko 9 uri jerbo se gospodi teško dignit u 7. ma zamisli, koji komoditet, a? tako su mi rekli oni ča im je teško i učit i igrat balun, ma, ono, baš sve. tutokompleto. ako oni lažu, lažen i ja.
nikad od nijednoga kluba klub dok jema tu politiku.
trening je trening ako počinje u 6 uri ujutro.
drugo je sprdačina, e...
mazanje očiju, nerad i linost.
ekola, do čitanja i nekog drugog plivanja... puna san force, moren okrenit zemaljsku balotu da se vrti na drugu stranu. ;)
Nema komentara:
Objavi komentar