e... nima veze ča je lito i zvizdan, ministri su vridni, pa su na tv rekli rič dvi. ministar prosvjete je reka da će ubuduće oni ča se u skuli bude šaketa s profešurima i/ili direturon oli pritija rašpama, bombama, rivolverima bit kažnjen pržunon isto ka i da je napa policijota. svaka čast, itekako podržavan, ali molim ministra i da iz skula otposli sve one koji su falšetali dokumente s kojima su se zaposlili jerbo kako profešuri imaju pravo na normalan rad i dostojanstvo, isto tako dica jemaju pravo na obrazovanje. isto tako molin ministra da povede računa koliko se gradiva koje je obvezno ove godine uopće dici nije istumačilo. zna li on uopće išta o tome? ono, da štrajka ipak nije bilo, ali da se štrajkalo danima, da su dica neispitana šetala oko skula i da je malo ko radija i to uz prijekorne poglede neradnika.
ministar financija je pak upravo na tv reka da će žestoko udrit po onima koji ne izdaju račune. odlično ministre, ka peršona koja je izdala baš svaki račun pozdravljan gromoglasnim aplauzom, samo dajete taknite malo i one ča milijune i milijune kuna okriću bez ikakvih poslovnih subjekata, a to su meštri svake vrsti na crno, frizeri, kozmetičari, pedikeri na crno, pašte i vešte na crno, žestice oli žeste na crno, repeticije na crno, prijevodi i lektura na crno, legalizacije na crno, ulje, vino i kvasina na crno, a na crno ka ča cili svit zna ima i oružja, zlata, srebra, bronce i bakra te ostale gvožđarije, droge, muških i ženskih tila oli kažina, klađenja i kockanja itd. ono ča je najinteresantnije je da je baš svaki od nabrojenih kažina na crno neometano javno oglašen i iako postoji zakon koji sprječava oglašavanje takvih rabota inspektori po tom zakonu ne rade baš ništa. koga je naime kaznilo zato ča je radija na crno? e bravo, a kad će crkva dat koju kintu u ime poreza? i kad će u proračun vratit pineze svi oni ča su falšetali da su bili branitelji? puno me zanima i kad će pretvorbeni lupeži mižeriju od vozila i plovila, a neki i otoke i potoke objasnit poreznoj upravi. itd. nima veze ča je zvizdan, posla je puno, a nekako mi pari da će se sve ka i uvik svest na za*ebavanje maloga čovika.
Nema komentara:
Objavi komentar