zašto nije moga to isto činit i u splitu, a?

eu, dan 5, split, po ulicama i lokalima može se čut sve moguće jezike, hrvatski još najmanje, a spli'ski govor skoro pa nikako. za nike furešte stičen dubok dojam da su se u split priselili tj. ne pari mi da su na urlapu nego ka da sad tu stoje. sad san već kurjoža. baš me zanima koliko ih je, koji su kvart izabrali, oče li dicu poslat tu u skulu, vidit ćemo... kako je kod nas slabo sa poslon, bojin se da će naš svit gledat šta je moguće više poč ča, a bogati furešti za bit ovod 6 miseci oli cilu godinu bez problema kupe kućicu oli stančić, vežu tu brodić i laganini ujutro šetaju pasa ulicama više ni ne moš reč našin, vengo naših sićanja. našen linon čoviku vanka neće bit teško radit, a moga je isto učinit i na najlipšen mistu na svitu. poslin će se pitat di mu je more i sunce i reč da bi sve da za pjat fažoleti i malo naše ribe, ali tu će se već smijat neka druga dica i pivat će niki drugi judi. na svim mogućin jezicima, najmanje hrvatskom, a na spli'skon eto pa nikako. ne smeta mi niko, ja san vrlo tolerantna, dapače, ali je li baš naš čovik mora radit letriku u švedsku oli gradit brod u koreju. zašto nije moga to isto činit i u splitu, a?