ka inđinjera o' letrike narafski da me baš puno zanimalo kako su izgledale svjetiljke prije letrike, pa san to otišla vidit najprvo, ono pod obavezno. izvrsno pripremljena izložba, odlično prezentirano, baš san guštala. ako nekoga interesira, a nije bija, jeman ja još litrati, e...
muzej arheoloških spomenika u splitu, to van je oni vizavi tunela, e jema puno pinezi. ka malu poduzetnicu su me počeli i pinezi interesirat. prije i nisu baš puno, ali onda se dogodi i puno nevolja. firme se osnivaju zaradi tega da donose korist vlasniku, dobro, ok, i društvu, ali to nisu humanitarne organizacije. ko oče radit tako, neka se aktivira u crvenom križu oli unicefu.
narafski da san išla vidit i pineze. svega tu jema, pinezi iz raznih razdoblja, za raznih vladara, od raznih fameja. zbirka je izvrsno prezentirana, sa jako puno opisa tako da je svakako vridi pogledat.
eee... ništa brez timbra oli pečata. moran napisat i prijevod spliskog govora jerbo vam splitski sud smatra teškin zločinom ako ste na svom blogu notali splisku rič. to ona sutkinja ča jema kodno ime makinjeta, e... ona van nikako ne voli prave spliske riči,a ni splićane. daklem, evo jedan timbar oli pečat, nađen u susidnoj državi. takve narafski naša država obožava, ali samo ako su falši. ovo mora bit da je pravi, a kako su notali u objašnjenju mora bit da ga je dobija od bizantinaca ni manje ni više nego kralj Tomislav. timbar ups pečat, brate... svaki ozbiljan dokument se timbrava oli pečatija, e...
još san u iston muzeju vidila crikvice broča I. i broča II. oli brača i šolte. odlično peškani litrati, svaka čast.
e, pomalo mi je dolazila ura o' predavanja na temu machine learning oli strojno učenje ča je bilo u galeriji meštrović, a mene je ka pravoga inđinjera baš to puno zanimalo, pa san morala reč finito arheoloških spomenika i gremo ča hrabro naprid u galeriju. jedan pogled na adama i evu i vataj misto za predavanje. došlo je toliko svita da je tribalo nosit dodatne katrige.
tea marasović sa fesba je održala dobro predavanje kako kompjuteri vide slike, a pristup je bija za neznalice, tako da je baš svatko moga nešto skužit i skontat. neka vam bude žaj ako ste to propustili.
i još pogled na litrate od nikih prošlih vrimena. ovo je isto bilo tutokompleto dobro, kombinacija starih litrati meštrovića i galerije koje jemaju muzeji ivana meštrovića i onega ča su im građani posudili iz svojih albuma. ovo vam je postavljeno do 02.02.2020., pa povirite.
tilo mi je srce poč još i do pomorskoga jerbo koliko san vidila jemali su i oni dobar program, ali noge su već bile umorne, pa će to doč na red neki drugi put.
Nema komentara:
Objavi komentar