split jema dvi crikvice svetoga nikole, onu na merjanu i velovarošku crikvicu svetog mikule na stagnji. u gradu pomoraca i ribara taj svetac se posebno poštuje s tin da mi je moj dida šapnija da u njegovo vrime nisi moga dobit dar od svetoga nikole i od svete luce, ili jedno ili drugo, a svaki kvart je ima svog favorita. u našem kvartu je više igrala sveta luce.
dar za svetog nikolu bi bija naranča i koji oraj, a oni bolje sriće bi možda još štagod dobili u izluštranu čizmicu. danas, previše komercijalizacije, premalo ljudskosti, ni dobro, ali bit će bolje.
evo ja se recimo zalažen da TZ pokuša ponovo organizirat spravljanje makaruna o' isprid crikvice svetoga mikule na stagnji, oni su se tu nekad činili i bratovština ih je dilila sirotinji, a danas bi to moga bit prvorazredan događaj, lipo spravljeni makaruni, onako po guštu, s malo parmezana, uajme. fermajen jerbo će mi opet reč da kako moren samo o spizi govorit. ma moren, makaruni su makaruni, e...
svin pomorcima želin mirno more, ribare i putnike neka isto čuva sveti nikola, a nikolama, nikolinama i nikama sritan imendan!
http://nada4.wix.com/split-croatia (domaći rad, pod male crikvice na merjanu pronađi svetog nikolu, a pod veli varoš svetog mikulu na stagnji i otkrij koliko su stari - to je jako bitno, odavno smo tu!)
http://nada4.wix.com/split-croatia (domaći rad, pod male crikvice na merjanu pronađi svetog nikolu, a pod veli varoš svetog mikulu na stagnji i otkrij koliko su stari - to je jako bitno, odavno smo tu!)
Nema komentara:
Objavi komentar