e...
uvik šaljen nikoliko vrsti čestitki, ove moderne oliti emajlirane ili smsirane i one dobre, lipe starinske. nekad na jedno misto moš poslat sve, ali i jopet virovali oli ne jema svita koji recimo ne čita emajlirane jerbo nima kompjuter ili ne zna na njega, pa ću tu poslat smsirane ili starinske. negdi ću poslat starinske jerbo mislin da baš takvu peršona mirita dobit. poslovno možeš isto poslat i jedne i druge, ali opet ovisi i kojoj peršoni šalješ. u svakome slučaju ništa neće bit nešesno, svaka će bit lipa na svoj način.
one starinske su obavezno o' www.unicef.hr jerbo se tako pomaže dici diljen svita. ove godine jeman prekrasne i sutra kad finin posal gren na poštu; te šaljen najprve da stignu na vrime.
osin čestitki svake godine svih sitin i da je dobro dat barenko 10 (ričima: deset) kuna humanitarno, udomit koju bidnu beštijicu koja nima dom (ako se ne smatrate krajnje odgovornom i altruističnom peršonom, onda ovo ipak zaboravite), pomoć nekome kome je teško itd.
prosinac nisu samo darovi i lipa spiza, u dvanaesti misec triba pokazat i bokunić humanosti. barenko u dvanaesti misec, e...
ovim praznicima se posebno veselin. zašto? nisu mi toliko bitni ni praznici, vengo vrime koje dolazi poslin njih. nekako virujen da to vrime ča stiže je bolje vrime. znan da se višje neće veličat fašizam. znan da neradnici i lupeži više neće bit moderni. ča bi rekli iz in prelaze u out. znanje, obrazovanje i rad će opet bit nešto šta se poštuje. to će svakako donit i meni bolje vrime. niko mi više neće ni poč reč ni da nisan iz dalmacije, vengo iz južne hrvatske. itd.
jedno suludo vrime je gotovo, a počinje novo koje bi svakome vridnome čoviku koji voli radit tribalo donit bolje sutra. loše će proč lezilebovići, ali nećem ih žalit. eto zato se radujen.
a šta dobroga skuvat? evo nikih dobrih riceta iz moje kuće za bakalar, toč, fritule, škampe na buzaru, rižot, brudet. morete ih nač ovod:
šta slušat? samo dobru glazbu jerbo umjetnost će opet bit vrednota, a prikinit će bit sramota.
šta gledat? virujen da će se nač koji dobar filim, bilo na tv bilo na dvd.
šta još radit? čitat jerbo čitanje libri prikida bit sramota, i to je ka ča i triba bit vrednota.
narafski, malo prošetat, protrčat, uvatit arije, guštat na merjanu ili na kojoj plaži...
ko zna crtat ili činit litrate (fotkat) more i to, a ko ne zna, neka gleda ča su učinili oni koji znaju.
okitite bor, zapivajte, proveselite se, godina je pri kraju, ulazimo u njenu završnicu... o svemu lošem ča mi se ove godine dogodilo, ne želin višje mislit njanci sekund, pamtim samo dobro i s optimizmom gledam u vrime ča dolazi.
Nema komentara:
Objavi komentar