barbuni koje niman i car od riba na litratu

guštajte, petak je dan za izist štagod ribe.

e ma bojin se da smo ostali brez peškarije.
a sićate li se ovega cara o' riba, a?
buža, e...
 i sad će nas tokat tražit štagod ribe u frižider po trgovačkin lancima.
moremo i tunju bacit. barenko kojega glamca čapat. špar je malo dračav, ali je sladak ka med, a ako srića bude bolja, možda će se uvatit i koji veći bokun.

za početak mi triba bruma, ješka, tunja.
dozvola.
benti, koliko to dođe, a? morat ću se raspitat.

narafski, kad razvijen moje ribičke vještine, uložit ću u kaić i pentu, dosta i o' dva konja, ne triba mi stopedest.

čin buden bolja i kad mi to sveskupa počne nosit pineze, počet ću razmišljat o koči, haha...

e heben te živote, šta nan ovo činiš?

a tako bi rado danas pofrigala koji barbunčić. njih ni za lik na ona dva banka ča su ostala.
ja nisan tila rvacku u kojoj će split bit brez peškarije.

oču peškariju u split, je li van kjaro, a?
i oču da mi vonju barbuni kad oču da mi vonju barbuni.