četvrtak, 24. svibnja 2012.

e dida moj...

e dida moj... partija si u peti misec. ne jušto na današnji dan, ali u peti misec. uspila san ti sačuvat kuću od poštenja (zaradi tega su me mnogi pljunili, ali barenko sebe moren pogledat u zrcalo). nisan prodala ništa, sve san sačuvala. kupila san i mali tonobil, nije fićo kako si ti tija da kupin, vengo twingo, ali isto je šesan. narafski, više od materijalnoga mi, ka ča si me naučija, vridi ono ča se pinezima ne more kupit. čuvan još uvik tvoju najbolju fajericu, ona jema posebno misto u mome škafetinu i kuvaricu diku, ali stare ruzinave udice su ti letile u škovace. skužaj, ali to san morala bacit. u moju kamaru (sobu) je tvoj armerun o' orahovine ča si ga naručija u maranguna - ušestat ću ga ovo lito i tot nikad neću kupit nevaljanu ivericu, e... ma zapravo čuvan još puno stvari, a uspomene su mi najvažnije. i bravo, da ti ne zaboravin poručit (ne znan je li na onemu svitu jema interneta, možda ovo i pročitaš), ka ča si mi svitova pri vengo si partija SVOJA san, mislin SVOJON glavon i NE DAN se ZAHEBAVAT, a ni istirat iz moje dalmacije...

Nema komentara:

Šufit