e...
petak pozapodne. fermala je kiša.
iskoristila san kartu za sajam croatia boat show ča je u takujinu nosin već nikoliko dana. kako je bilo? odlično!
bitno bolje vengo lani, još uvik ne ka nekad, ali nada da će sajam opet dovatit svoje najbolje dane postoji.
puno kurjožima moran reč da:
1) nisan upoznala kojega bogatoga šeika,
2) nisan kupila bokun barke,
3) nisan pala u more...
prve dvi stvari su mi narafski bile na pameti, ali ni jedan šeik nije prošparta, barenko ne u moturu o' šeika.
bokun barke ću kupit narafski jednom, barenko koju ljusku o' orija, a, možda se hehe, desi da i upoznan šeika, pa mi šeik kupi, haha. :D
bila mi je i treća stvar na pameti, silo mi je dobro u glavu jerbo mi je mater prije vengo san se uputila lipo svitovala: ćerce nemoj past u more dok gledaš u šeika. narafski da po pontonima triba dobro pazit i gledat di se gazi. ;)
jednu sitnicu san danas ipak tila kupit, to je nešto ča mi triba, jerbo
san ja ka ča znate uvik na moru, ali na banku oli štandu nisu jemali, pa su me
poslali u butigu, navodno tamo jema. odlično, tamo ćemo koji drugi dan.
šta je još bilo? a trefila san nike drage ljude, proćakulala i sve u svemu bilo je to jedno skroz lipo pozapodne.
mirne litrate morete nač ovod:
a ako je ko zainteresiran za veću sliku, neka mi se komodno javi, pa ću mu emajlirat.
sve slike by xvii, klik za veće
sad gren ove slije stavit na još nika mista i poslat dragin judima mailom, a vas najlipše pozdravljan. ako sutra ne radite, odlično morete provest vrime na sajmu, a navečer bi tribale bit i rokete. karta je 30, odnosno 40 kn.
Nema komentara:
Objavi komentar