život ovih dana u nekoliko rigi

libri:
zvijezde blistaju s neba, sidney sheldon - pročitala nikidan
ništa nije vječno, sidney sheldon - čitan, još malo pa ću finit
odlični libri, jedan bolji od drugoga
radijo:
riva - 93, 6 MHZ , obično slušan u tonobilu i to zato jerbo tu ne puštaju cajke, ojkalice i tzv. narodnu mužiku, vengo se more čut i štagod normalne mužike
spiza:
danas paštašuta, sutra valjda rižot
piće:
voda, sok, čaj, mliko pa i jopet isto.
aktivnost:
do nikidan plivanje, danas je počelo trčanje i za prvi dan san super zadovoljna jerbo san u komadu odvalila udaljenost spinut-institut, samo nisan išla ceston, vengo šumskim putevima, ali to je to.
kosa:
reste, tri miseca brez šišanja
dobro bi bilo poč vidit:
saso u splitu i biogradski sajam nautike - to bi tribalo bit iduću šetimanu, možda nešto i povirin ako uvatin malo vrimena.
zadnje san kupila:
ništa ako ne kontan spizu, police za tonobil, uslugu tekničkog za tonobil i tako to.
po butigama od robe koliko vidin trenutno prodaju rebatinke pune buža i to za od tristo do iljadu kuna, a uvidon u moj armerun uviđeno je da jeman barenko dvadeset pari koje puno bolje izgledaju od tega ča je na škancijama butiga tako da moje pineze za štrace ča se prodaju po butigama ne dan. nosit ću sve ono ča već jeman jerbo je dobro, dobro mi stoji i nije na buže. za postole vridi slično, jakete isto.
libri trenutno jeman cilo brdo, a barenko ih je oko pedeset u kući ča čekaju čitanje, pa ni tot neću poč zasad ništa vazimljat.
a brod, a? to bi rado, ali za to još uvik niman pinezi. bit će valjda jedan dan bolje.

očemo li još štagod špijat ovod, a? ma ke, e, i ovo je dosta i prikovišje. finito za danas, gren ča, jemate pozdrav...