utorak, 26. listopada 2010.

iz moje kužine


veliki i mali, Žućo i Špiro by xvii

kad će bit nešto za izist, a?

e... ove dvi junačine ča su na sliku su se jučer pokazale ka najveće kukavice kad je vet bošnjak ariva u kućnu vižitu. bižalo se po ciloj kući, skakalo po armerunima, probalo uvuč iza frižidera i još svašta nešto a sve o' straja. tipično muški kad je likar u pitanju. nije ni muški rod kod čovika bolji kad mora poč kod likara. a je li im šta vet učinija, a? ništa, baš ništa, samo ih je pomazija. flekica je dobila nike tabletice za usta ča je bole, a ostatak društva je vet pomazija i pogleda jerbo smo nažalost ka ča znate naglo i brez dijagnoze izgubili pahuljicu, pa je tribalo vidit je li s ostalima sve u redu. zaključak: špiro i cukrić dobro napreduju, ostali su isto dobro. fala bogu, a fala i vetu bošnjaku na svemu ča čini za moje maške. likari za čovika bi se tribali na njega ugledat.

Nema komentara:

Šufit