subota, 5. prosinca 2020.

****

Samo san noson provirila do male butige u istoj kući s tin da mi nos nije virija. Išla san kupit vodu. E vodu jerbo van mi u Split u ova svitla vrimena čin padne dvi kaplje kiše, nemamo pitku vodu. I čujen kako su žbiri vrebali svit ča je ulazija u butigu i merkali koga će olakšat za 500 kn. Nisu uspili osiromašit nikoga, e, ali ka da nisu već dosta osiromašili svit.

I sad lipi moji jemate
1) ovrhe, znači i dalje jedva kraj s krajen jerbo bidan Plenković sve ove godine ne zna kako će to riješiti
2) svugdi te more čapat i reč da nisi nosija masku i pitat 500 kn, a njegovo neposredno opaženje je li tu ima puno svita ili ne. Kapac su nekoga poč opeljušit i na vrj Velebita oli Dinare. Znači, imaš masku, nemaš zraka, neš ni disat.
3) Moredu te čapat i skafanderi i to bilo di, a ni ne znaš ko se u to obuka i reč da si covid pozitivan. Narafski, moredu te i odvest u nepoznatnom smjeru
4) Murija ti more upast u stan kako god oče.
5) Jesu li nan ova svitla vrimena baš za peticu, a? Demokracija brate. Ljudska prava brate. Sve se poštuje za razliku od škurih, ups, mračnih vrimena. Sritno na izbore i omogućite i HDZovim praunucima život na visokoj nozi, kad vam se već friga za vlastitu dicu baš svaki put kad su izbori.

Nema komentara:

Šufit