e...
sad kad nan uvedu veeeeeeeeeeliki red, bit će ovako nekako. ni slučajno neš moš pivat kad ajduk tuče, njanci šotovoće u svon banju. narafski da ni zvižđanje ne dolazi u obzir, njanci kad sudac lupež kontra svih zakona i pravila fuzbala dosudi penal u korist dušmanina. ako baciš špicu o' trišnje priko ponistre, odma ćeš otvorit takujin i platit kaznu. ne da bog da te ko liti vidi na plaži da si se zamota u šugaman i da minjaš mudantine, odma će te optužit da si u javnosti kaziva gujicu. od policijota ti je najbolje odma uteč. ono čin ih vidiš, biži ča te noge nose, pa ča je sigurno, sigurno je. jerbo, oni te uvik moredu optužit da si ih vriđa, a ti dokaži da nisi. u veće grije se nemojte njanci probat upuštat. ne naslanjajte se na tonobil, njanci na svoj, ne sidite na zatvorenoj trafici oli kakvoj ogradi. utrnite radijo u tonobilu, a i oni u kužini. ne slušajte njanci oni na slušalice ča se utriraju u uvo. kad van ko svašta izgovori, ni slučajno mu ne odgovarajte. činite fintu da ste furešti i da ne razumite njanci jednu rič, ono, nije van kjaro. jerbo, ako samo zucneš, nafrka si...
a veliki lupeži će i dalje bit velike čunke. jopet će izist vuk tovara. sjaši kurta da uzjaši murta. njanci jednu kurbetinu neće kaznit, njanci jedan kažin zatvorit. svako govno će i dalje pišat di stigne, srat isto. palit škovace, činit požare, krest banke, pošte, firme, gradski i državni poračun. otimat aeroplane, činit terorizam i svako drugo zlo. i narafski, najveći problem će bit samo jedna špica o' trišnje oli jedne prominjene mudantine o' onega ča nije njihov. a njiovi su zna se hopa-cupa u postelju svi skupa. i nisu kurbetine ni kurbini sinovi, ma ke, e. časni i pošteni ljudi. cinjeni. svugdi, ma u mojin jočima ne.
Nema komentara:
Objavi komentar