utorak, 17. svibnja 2011.

ja, more, galebi i jato riba

e...

dikad se nebo spusti na zemlju ka danas.
čovika čini dišperanin.
tužnin.

utekla san bokunić ranije s posla jerbo me tokalo poč do jedne butige.

ka san se kalala niza skale, rekla san sebi sad ćemo pomalo. ajmo najprvo uvatit bokunić arije uz more, nigdi nije priša, neće butiga uteč, e...

valjda.

jerbo, koliko ih je firmi propalo u zadnje vrime, to je za ne virovat. tako je to kad jemamo učinkovite programe za oporavak gospodarstva.

moja fala bogu nije propala, radi i svima sve uredno plaća, ali samo ja znan koliko energije, truda, rada i mog vječitog životnog optimizma stoji iza svega toga...

narafski, dikod triba i malo fermat, laškat, odmorit barenko 20 minuti.
skupit forcu za dalje.

bila san na zvončac.
ja i more.
trefila san svega par svita, kojega galeba i jato riba (jeste li ga sinjali na litratu doli, a?)

odma san bolje volje.
zvižđen o' sriće.
moren pokrenit zemaljsku balotu.
život je lip, a ove gušte niko ne more platit.

poslin kiše uvik dolazi sunce.








zvončac by xvii - klik za veće

Nema komentara:

Šufit