petak, 14. svibnja 2010.

za gušt

Plodovi Dalmacije 2010. Plodovi Dalmacije 2010.

e... plodovi dalmacije 2010. tot jema odličnih stvari, ali i ne samo iz dalmacije, vengo iz cile lipe naše. narafski, da nisan mogla dugo čekat, tribalo je poč odma prvi dan.

znan da ste kurjoži u čemu ću guštat. ajmo ča redom, proizvod koji kupin kad god san u prilici jerbo je odličan zove se plitvička štrudla. narafski da san ga vazela i danas.

Plodovi Dalmacije 2010

slavonci su donili dimljeni kozji sir, a ako postoji delicija na ovemu svitu, onda je to to. rapsodija okusa i mirisa, kupin kad god mogu, pa san tako i danas.

e i nemojte mislit da nisan vazela ništa iz dalmacije, pogača od smokava je nešto puno lipo, pa se tribalo i to vazest. na litratu morete vidit i jedan stari šumpreš, to je oni od davnina, oni ča je odija na žeru, e... naša se u borši još i jedan džem o kupina jerbo san goluza i na slatko. eto, našla san puno lipih stvari i sad ću svaki dan pomalo se mašit na neku deliciju. ;)

Plodovi Dalmacije 2010. Plodovi Dalmacije 2010.

Plodovi Dalmacije 2010.

osin spize morete nač i suvenire, razne smišne stvarčice, sapune i sl.

bajame pržene u cukru također priporučan, ove godine san ih teška srca priskočila, ali moran mislit i na kile, e...

litrate morete uvećat klikom, ali mislin da je najbolje stavit postole i pravac dioklecijanovi podrumi.

Nema komentara:

Šufit