petak, 18. kolovoza 2017.

Makeover kredence stare priko pedeset godin - cili trošak manje od 10 eura





e, ja i moj Niko smo se uvatili posla i učinili makeover oli ušestavanje kredence stare priko pedeset godin. 

najprije nas je tokalo drvo dovest u red, pobrusit karton deveron, začepit buže kiton, jopet brusit, piturat pojedine bokune, piturat ostale bokune. 

ideja mi je bila da jeman kombinaciju starog i novog. željenu špokro bilu koluru san dobila tako šta san u bilu pituru stavila kapju crne. to je i inače dobro učinit jerbo tako bila dura i ne postane žuta. pituri van to neće reč jerbo oče da ih svako malo zovete. 

friže koje mi je niko učinija na bokunima koji su ostali starinski san riješla bokunićima jezgre oraja, to svakako pomaže, vidi video na dnu ove objave.

malo san ukrasila livu vratnicu da ne bude dosadno. okačila jednu sličicu u kvadru u buži. sad slažen libre. tu jema posla jerbo jeman libri. rekla san da ću rvate koji me dođu gnjavit činit da čitaju naglas, čitanje im je najgora pokora, to je ka vampiru luk. sad će bit mira. :)













Nema komentara:

Šufit