ma je li neko tu lud?

daklem, u splitu mogu radit u gače trikvartače, na noge imat šlape, 10 minuti poslin posla položit nofce i poč plivat, poslin plivanja izist smokvu koju sama uberen sa stabla. jemat maške doma, jemat dom 1 cm od ureda, grijat 20 dana od zime, a ostalo guštat na suncu, jemat pitku vodu na špini, vidit kako su ljudi spizu za beštije stavili u terinu na ulazu u svoju butigu, pa se nasmijat jerbo znan za koga je to, svaki kvart svoje mačje ulizice jema. znači nama se tu isprepliću posal i rad. jutros smo položili nofce, učinili đir priko bačvica, pa našli jeftinih a dobrih ušati na peškariju, sad ću pjat riblje juve za početak, a poslin pjat leših ušatih. malo ćemo radit, pa ćemo opet malo povirit do grada. i sad da ja takav život koji mi nosi i 6 miseci kupanja u moru pođen minjat za zimu kanade?! je li neko tu lud? e, oču, sve trčen. kanada je za kolindu, ja sa svoje dvi pošteno stečene diplome moren preživit i u splitu, a kad kolinda pođe u kanadu, moč ću i bokun bolje živit. tako mislin jer je svojim potpisom napravila puno zla malim poduzetnicima, a tek ćemo vidit koliko će furešti otkazat vižite zato ča otvoreno koketira s neonacistima. meni je već nekoliko svita reklo da je dobilo mail otkazivanja rezervacije smještaja i da je tu čak pisalo da ne žele posjetiti zemlju u kojoj predsjednica ljubi zločince. tužno je to što radi i žalosno. drugih komentara nemam, ali cili ovaj plan istjerivanja mali poduzetnika iz hrvatske joj kod mene konkretno neće upalit. moren joj samo ka i uvik poručit uzalud vam trud svirači. ekola.