ponedjeljak, 29. travnja 2013.

*****

http://www.rudan.info/ako-umrem/

ne beštiman. uglavnon. i zaradi tega san činila kuco kad je nikad partija šjor novinar ćićo senjanović. jerbo, došlo mi je beštimat. puno.

evo jeman danas link na dobar tekst di piše peršona kojoj beštimanje stoji.
ja ću se samo složit.
sa svakon riči.

nedjelja, 28. travnja 2013.

dani hrvatske male brodogradnje 2013

 
evala svitu, evo me malo u lava, na sajmu male hrvatske brodogradnje...
da vidimo ča se ove godine more nač...

 
evo ih, u svin kolurama, samo, a ko će veslat, a? :)

 
našlo se i štagod brodskih makinja...

 
najlipša od svih bandiri na svitu je narafski naša bandira...
još kad se potrefi na kojoj lipoj krmi...

 
šesan brodić s kabinon za nikih oko 45 000 kn (s pdvom), bez pente.


 
ovi brodić merkan, pa merkan, e da ga je... betina 700, mislin da je model.


 
po meni najbolje ča se od malih brodi ove godine dogodilo je baš ovi DRVENI BROD.









 
 
na sajmu je i ove godine viđena CRVENA MINI PODMORNICA -odlično za sve one koji jemaju kakav biznis s fureštima... služi za razgledavanje podmorja.
 










 
i kad san malo otišla do plaže, a litrate s plaže morate uvećat klikon pod obavezno jerbo su ludilo, ludilo brale, crvena mini podmornica na djelu... evo je :)

 
manevar i ajde, idemo, s malo više force, ožeži po toj makinji, upri u video da vidiš kako gre :))

 
 

 
slikala i snimila moja malenkost, sve osin litrata na kojima san ja, u podstrani jutros...
bili su to još jedni dani hrvatske male brodogradnje. unatoč krizi, recesiji, presiji, i ne znan čemu sve ne, hrvatski čovik radi ono ča zna najbolje napravit, a to je Brod.

 
sve morete uvećat klikom :)


split jutros

split jutros by xvii - klik za veće

četvrtak, 25. travnja 2013.

*****

e... nisan otišla na otvaranje zapadne obale jerbo tuda prođen svako jutro i plače mi se kako mi se to sve skupa ne sviđa, bez mediteranskog duha, bez gušta i šušta. nekad mi je ta riva značila, imala je i lada, sad je ogromna i bez daška mediterana.
 
pari mi ka da san u kakvu američku državu  oli kakvu državu o' arapa.
 
žeki nan je u foje i na radijo poručija da će bit i štagod mukte za izist; friga mi se, nije mukte, ja to plaćan kroza sva davanja koja dajen gradu i privatno i poslovno. i ostale budale ča se zovu porezni obveznici.
 
i dok su se milijuni naših pinezi proarčili da split bude ne lipši vengo ružniji (da ružniji, nesta je mediteran, jedino šegvićeva matejuška ima smisla, od svega ča se zadnje radilo), nima se di ni živit ni parkirat ni radit, ulice i trotoari su puni buža, škovaca, šporkice i govana, fasade su namrčene u svastike, dica se razvoze u skule na drugi dil grada, sirotinje koja čeprka po kantama o' škovaca je svaki dan sve višje, karepovac se još nije sanira, split stagnira. ma ke, gre nazad. trče nazad.
 
šta unda tute moren slavit, an?
 
bolje mi je dan potrošit radeći jerbo neko triba sve žekijeve zvizdarije i platit - samo na ime poreza na tvrtku koji moran platit da ne izdan njanci jedan račun godišnje gradu splitu uplaćujen 2000 kn godišnje. a di je sve drugo?!
 
i zaradi tega lipi moji, ubrzo će izbori, promislite dobro, nemojte falit. važno je jerbo ako nan je dosta šimija, more se koja nač i u zoo. ta bi nas manje koštala, e...
 

fuzbal - pari da smo sve bliži ovom...


subota, 20. travnja 2013.

*****

jutros najranije san plivala dugo. cila vala meni. pri povratku doma san gledala dupine. prave, žive, prekrasne. riba je na peškariji bila jeftina. kupila san kil barbuna, njih frigane najviše volin. integral koji mi je upravo pred noson znan riješit. hehe život je lip, a njegov najlipši dil je lito i to u splitu :)))

Šufit