e... najprvo tribate volit ledeni čaj, pa ga onda tribate popit. a šta s ambalažom? evo ovo su prazne kantice od 3 litre. od čaja oli od soka, tako je najbolje, od ulja bi bile premasne, pa ih nikad ne bi očistili... za ove kantice možete dobit nešto sitno lipa u butigama, ali jema način da se od njih učini nešto ča vridi puno višje od tih par lipa, nešto o čemu ste oduvik sanjali, nešto ča ste uvik želili. šta, a? red u armerunu za postole. je li to opće moguće, a? dakako da je... evo kako.
pri vrju kantice šilom, šiljkom za led oli kacavidom probužajte bužu i kroza tu bužu provucite nožice, može koje obične jače, a najbolje škare za vrt i ostrižite vrhove kanticama. tako ste dobili prozirne plastične škatule u koje možete stavit svašta, a ja san evo stavila postole.
etikete sa kantica ćete skinit tako da ih dobro namočite vodom. poza tega narafski kantice dobro osušite.
pri vrju kantice šilom, šiljkom za led oli kacavidom probužajte bužu i kroza tu bužu provucite nožice, može koje obične jače, a najbolje škare za vrt i ostrižite vrhove kanticama. tako ste dobili prozirne plastične škatule u koje možete stavit svašta, a ja san evo stavila postole.
etikete sa kantica ćete skinit tako da ih dobro namočite vodom. poza tega narafski kantice dobro osušite.
u jednu kanticu od tri litre može stat jedan par mokasini, šandala oli šlapa broj 39. ako je utisno, stavite livi postol u jednu kanticu, a desni u drugu. muški postoli će isto tako, ali muški ako je pravi muški i nima postola ka žemsko, pa njemu i triba duplo manje kantica. ka ča vidite na litratu, u jednu kanticu san stivala i patine, sprejeve i sl. žlice san obisila na male brokvice koje san zabila na bočne letve armeruna.
a šta je u škatulama od kartuna, a? kurjoži, a? e štagod zimsko, a najvažnije su cokule za snig jerbo ako i jopet padne pored ovakvog poteštata ka ča ga jema split, bit će i jopet uzdaj se use i u svoje kljuse. bolje rečeno cokule, e... i čuvaj se, pa će te i bog čuvat...
vengo, puštimo sad šempju, ajmo još koju besidu o kanticama. jesan li ih s nečin učvrstila? ni sa čim, stoje jedna na drugoj, ali ako je potribno povežite ih sa malo laštika oli špaga, a ako mislite da će van pomoć lipilo, zalipite ih. ja nisan da ih mogu micat kako me volja. sve se može obložit u ukrasnu kartu, pa more stat i vanka, zasebno, brez armeruna za postole. narafski, takav izum od kantica van može poslužit i za spremanje šudara, šalova, kapa, bičava i sl. oli u uredu, možete i tu recimo složit 4 kantice oli čak 4 reda kantica i dobili ste lipu škancijicu oli cilu policu o' kantica...
slike uvećajte klikom
Nema komentara:
Objavi komentar