nedjelja, 31. srpnja 2011.

još jedan detalj s manuša

stari fumar, stara antena i tašelana ponistra

staro by xvii - klik za veće

stari fumar, stara antena, tašelana ponistra...

subota, 30. srpnja 2011.

bokunić starine s manuša

tu su moji didovi davno sidro bacili, mene vezali

moje more by xvii


Dalmatinac sam, ovo je moj dom
tu su moji didovi davno sidro bacili
mene vezali




e... pivala su danas ona dva ča često stanu po splitu vizavi pošte oli u koju drugu ulicu i tako pokušavaju zaradit koji šold. nekad se znaju zaletit i do trogira, stat kraj vrata i onda i tot narafski pivaju jerbo zaradi tega su i došli.


neki furešti ih samo gledaju, niki im i bace koji patakun. virujen da štagod i zarade jerbo da nije tako ne bi pivali. dobro, možda bi i pivali, ali pismu dvi, a ne bi to bilo pivanje od ura i ura...



jedan mulac je drugome promrmlja kad ih je danas čuja: vidi redikula.


zašto?


zato ča pivaju? zato ča se ne srame reč da smo iz najlipšeg dila svita, dalmacije? zato ča nisu spakovali kufere i otišli put njemacke oli australije?



je, ši, mi bi svi tribali partit, a doč će neko drugi i vazest sve naše. triba nas uvjerit da smo ridikuli i sirotnja, da ništa nimamo, da je sve ovod mižerija i neka pođemo ča. di? di god znamo, a onda će narafski nekoga drugoga dopast sve naše. povoljno, e... i onda višje neće bit mižerija. ma zamisli.



ne lipi moji, ja nisan ka oni novinar ča je notava da gosti iz bih smetaju, meni ne smeta niko ko se kulturno ponaša ma odakle stiga (nikidan su se na merjanu kraj mene kupali crnac i crnkinja, parlali su francuski i meni smetali nisu, zašto bi mi smetali, a?), ali ovo je moj dom, a gosti su gosti.


ja ću tu di san doma pričat mojin spli'skin govoron koji nije redikulski, kojega jubin iznad svega i koji me naučija moj dida. radit ću i živit tot jerbo san tot svoj na svome i ne dan se istirat bilo kome krivo oli pravo, e...

ča se mene tiče svak more doč guštat, ali ovo je moje more i ne dan da u njega iko ita škovace.
isto tako je i šuma koja se tako lipo zeleni moja, svak more doč guštat, ali i svakome onome ča mi je proba užgat ću reč kobogda mu se ruka osušila.


i ne, nisan ridukul, samo volin svoje (to ne znači da mrzin tuđe), a i drugogoga pasoša niman i niman di poč. narafski, ni ne želin.

meni je dobra i moja mižerija na sitni. ja se držin one da nije bogat oni ča puno jema vengo oni ča malo triba. mižerija je meni i nevaljano je meni, a ne onome ko me "žali", a zapravo misli kako bi me istira sa moga. narafski, ja opće ne mislin da mi je mižerija i zato i nisan otišla ča. niti ću.

Dalmatinac sam, ovo je moj dom
tu su moji didovi davno sidro bacili
mene vezali



ekola.

malo ruzine, ši, ma još radin

bokunić konfuzjuna

bokunić konfuzjuna by XVII iz Splita
bokunić konfuzjuna, a photo by XVII iz Splita on Flickr.

mriža na suncu

mriža  na  suncu


mriža na suncu by xvii - klik za veće

splite moj


splite moj by xvii
samo kliknite i dobit ćete prekrasnu panoramsku sliju splita :)

utorak, 26. srpnja 2011.

stara kartolina iz 1935.


stara kartolina iz 1935. uvećajte klikom.

nekad su se slale kartoline,
pisale lipe riči,
notavalo puno pozdrava.
čekalo se pošćjera...

danas u škrabicu arivaju
samo računi i reklame.
niko višje ne šalje kartoline.

vrimena su se puno prominila,
ljudi isto.

za sve one u kojima još uvik jema dašak romantike
evo ovod jedna stara kartolina splita.

nedjelja, 24. srpnja 2011.

ofregat i luštrat

e...
luštrat.
koja lipa rič.
jušto tako. triba ovu zemju najprvo dobro ofregat, a onda izluštrat.
i bit će bolje, e...
barenko neće više vonjat na friškinu.

četvrtak, 21. srpnja 2011.

poza kiše



plaža by xvii

e... najviše volin kad ovako padnu dvi kapje kiše i kad poza tega malo celzijusi kalmaju. odma svi oni ča su se ovih dana nakrcali u split i ča obično ne znaju plivat i čine konfužjun u plitko na svakoj plaži ostanu doma (to oče reč kod svojih rodijaka), navuku bičve i pokriju se dekon. e... onda je najbolje. ja san danas poza posla, nakon šta san pošteno odradila sve ča triba i za studentsku i za srednjoškolsku matematiku, krenila put merjana. tonobil san narafski ostavila isprid kuće jerbo je hodanje zdravo. ka ča znate ina na meni slabo zaradi, ja vozin samo kad baš moran.

ježinac by xvii

je da gundulićeva i matoševa jemaju lada (uvik govorin da onemu ča je zasadija marune u gundulićevu triba dignit spomenik), ali čin su celzijusi malo kalmali, odma je ugodnije. laganini pušika, s noge na nogu eto me na merjan, jedno 10 - 15 minuti hoda, to nije opće nikakav problem učinit. narafski, došla san do vrata i za mene hodanje nije gotovo, ma ke, iden ja negdi daleko, di nema puno svita, di triba znat plivat. nekad davno san znala stat i na lubinov porat, ali u zadnje vrime tot dođe puno brodica iz lučice, pa je konfužjun. na bene otkad je kerum koncesionar bude svakakvoga svita i da van pravo rečen tot me straj da ću ostat i brez takujina i brez maje i gača. ovo oče reč da ću još malo hodat šta opče nije loše jerbo je hodanje zdravo i nač koje lipo misto. dok do toga mista ne dođen, slušan cvrčke i dišen punin plućima. nema konfužjuna na cesti, oni ča čine nered su ostali kod svojih rodijaka pokriveni dekon. možda san mogla tonobilon povirit i do kašuna, bude mista i na njima poza kiše, ali još je rano za tamo poč, to ćemo za misec, misec i po, tako nekako, jema još lita, bogu fala... kakvo je more? ludilo, prva liga, super, lipo za razladitit se, nije bara ka ča zna postat od vrućine. taman kako ja volin. iskupala san se, čitala libar, naguštala se, peškala ova tri lipa litrata i rekla bože daj kišu svaka dva do tri dana. :)

pogled put pučine by xvii

srijeda, 20. srpnja 2011.

betina, murter

e... evo jedan lipi zapis sa otoka murtera - za doč do njega ne triba van vapor, jema most...
ako gledate od strane splita, poslin šibenika vozite još oko 30 km put zadra, skrenite livo, priđite most i eto vas na otoku na koji ćete se uvik vraćat...


ponedjeljak, 18. srpnja 2011.

životna mudrost

triba se rano dignit iz postelje. ništa ja u životu ne bi napravila da san spavala do podne... ko rano rani dvi sriće grabi :)

nedjelja, 17. srpnja 2011.

coce trogirski :)



za trogir me veže jedna lipa uspomena.
navit ćemo sad pismu iz trogira.
lipa pisma, odličan pivač, lipe slike lipoga trogira... šta više triba? :)

voda

voda by xvii - klik za veće

e... vruće... upeklo, a? evo malo osvježenja :)

cvrčkova pisma



cvrčkova pisma by xvii, snimljeno jutros na marjanu

subota, 16. srpnja 2011.

slušan ih jerbo ne faliju...

e...

ima li smisla ne znan, ali kaže stari svit da kad srbi livi dan onda pinezi stižu. kod mene obično i bude tako, a kad srbi desni izgubiš koji šold. šta je sa tabanima ne znan, ušima isto. za dlanove mi se pari da vridi. srbi me livi dlan, bit će valjda koja kinta ;)

sanjala san nikidan jedan brod, nije vozija, bija je miran, vezan na kolpo morto. negdi u nekoj prašnjavoj sanjarici san našla da sanjat takav san znači loše, neko će ti napravit veliki problem, ali ipak će pomoć stič na vrime. kad san to već sve zaboravila, problem je doša. stvorija se ka plima. tija mi je srušit puno tega. e ali neš ne, ne dan se, došla je i pomoć. narafski, nije pala s neba, bila je tot jerbo san nekoć davno kad san bila u prilici da postupin ovako i onako, postupila ka čovik. i ta peršona to nije zaboravila i pomogla mi je. fala joj.

inače mi snovi kažu puno tega, intuicija oli moj čuveni špurijus isto. slušan ih jerbo ne faliju. kad god ih nisan slušala moren reč da san falila.

škorpion san u horoskopu, pa ćutin intezivnije vibracije oko sebe vengo drugi ljudi.

danas mi se dogodilo nešto čudno.

čudno tek na prvi pogled.

znala san da neko meni ne nepoznat već dobro poznat gleda u mene. tu je negdi, samo ne vidin di. konfužjun je oko mene. mnoštvo nepoznatih ljudi. za poznatu peršonu u konfužjunu ne vidin di je, ali znan da je tu.

kako?

eh, kako?

ćutin malo jače nego drugi ljudi...
ne puno, samo malo više od ostalih :)

ovo je nekad dobro, ali nekad, virujte mi zna bit gadno živit sa tin. ne mislin da iman neke nadnaravne sposobnosti (to su pak posebni ljudi), to ne, samo malo jače ćutin i dobro opažan i to je sve... a i jopet u ovoj bidnoj zemlji, je nabolje bit tupav, ne vidit i ne razumit ništa, ne znat ništa itd. baš to garantira uspjeh. i ministarsko misto. nadan se samo da neće još dugo bit tako.

plavo stablo

plavo stablo by XVII iz Splita
plavo stablo, a photo by XVII iz Splita on Flickr.

novi detalj iz moga grada

*****

Imaj na umu da su velika ljubav i veliki uspjesi - spojeni sa velikim rizicima!

srijeda, 13. srpnja 2011.

na plaži



hrvatske plaže trenutno izgledaju baš ka u ovom spotu...
čekan 9. misec, čekan ga žedan vodu...

ponedjeljak, 11. srpnja 2011.

zvoncac

zvoncac by XVII iz Splita
zvoncac, a photo by XVII iz Splita on Flickr.


slikano negdi u hodu, između zvončaca i ježinca.

ujutro malo rada, pozapodne kupanje. e to, to je već dobro za ovi toplotni udar ča nas je strefija i ča dura već danima.

(ko je mislija da ja moren puno dana bit brez rada, falija je :))

nedjelja, 10. srpnja 2011.

****

ajmo ča još malo mužike navit za danas.
s posebnin ponoson uvik u životu ističen da san iz dalmacije
i da me mater rodila jušto metar od mora...
za moju najdražu dalmaciju i sve dalmatince gre ova pisma :)

merjan





sve by xvii - klik za veće


e...
disat čistu ariju punin plućima.
slušat cvrčke.

divit se galebima.

dugo plivat.
poza tega očale na oči i gledat put pučine.
neprocjenjivo.

subota, 9. srpnja 2011.

petak, 8. srpnja 2011.

GODIŠNJI oli urlap :)


e... završila san s podukama jednemu studentu maloprije i daklem, nije da ništa neću radit, niman namjeru umrit od dosade, narafski, a neke stvari niko drugi osin mene ni ne more napravit i tu san za sve šta triba, ali upravo je počeja moj godišnji koji oče reč malo rada, malo odmora tj. nekoliko dana fermajen s ubitačnim tempom :)

yeees! :)

ured



hehe tu sam i upravo san slikala ovu sliju...

razmišljan da je stavin ka sliku profila na fejsu...

još malo pa će godišnji, nadan se :)


puno kurjoži sad znaju i kakvu san lampu vazela. a da me sad ne pitate i pošto je i di san je kupila odma ćemo sve reč: sa štednon žaruljon 169 kn u brodomerkura...

četvrtak, 7. srpnja 2011.

srijeda, 6. srpnja 2011.

*****

e... životne su istine uvik krajnje jednostavne. jedna od njih je da ljudi koji znaju ne kompliciraju - recimo ko zna kuvat bez problema će učinit pašticadu, a oni ča ne zna će i od friganja jaja na oko učinit monadu. :)

Šufit