sveti duje - procesija i šušur na rivi

procesija - snimka cile procesije - uprite na botun i gledajte,
dura oko kvarat od ure oli 15 minuti

žlice, leteće mišice, rečine i srca, svega pomalo, za svakoga po nešto...

tovar sivac, mali, ali pari pravi.

hehe, jednostavno nisan mogla odolit, morala san kupit ovakav brod...
[čovik mi je da i vizitku, na njoj piše www.branesuveniri.com, ne znan ga, ali mi se njegov rad svidija, pa dajen lik, povirite ima ludilo brodića]

za frižider, dobri su, ali već jeman i split i jednega ušatoga tovara tako da ovega nisan kupila...

ne more se baš sve kupit...
znan da ste puno kurjoži, pa ću van reč šta san još vazela... samo malo poslin.

ušiju tvojih da nije :)

spli'ska nošnja na caklu

baluni na laštik oli jo-jo

sv. duje

rečine, bižuterija i unikatni magnetići...

ovega šjora san slikala jerbo mu dobro stoji montura o' spliske tombule, a oni mi se pofalija da na oti internet opče ne gre tako da nima straja da će poč grintat da nije dobro osta...

klepetala su oduvik bila dičja radost

ja se narafski ne žalin kako san ostala :)

špalir pupica u spli'sku nošnju, sv. duje i 'otel marjan, još uvik u izgradnji...
[je li ono neko bija reka da će otel marjan bit gotov za svetoga duju, a?
ši, je, željko kerum, on je to bija govorija]

e sad moran mučat jerbo moga bi se poteštat ofendit ako rečen još koju rič i proglasit nas gagricama. ma obećala san još nešto reč, e...

šta, a? a šta se kupilo, e... znan da ste kurjoži, e... nikoliko vrićica lavande. za armerun. da se na kapote i šjalpe ne uvate gagrice, e...

ekola, gren ča, nadan se da će do idućega svetoga duje barenko koja puntižela sa 'otela marjan poč ča, da će se po splitu moč normalnije proč i vozit, da neće bit buža kod pravnoga fakulteta i da će bit manje škovaca, a više cvića - da nadan se, jeman se prav to nadat, jerbo ja plaćan porez ovemu gradu ( i ka građanin i ka poduzetnik)...

sritan ti tvoj dan voljeni grade naš!