subota, 16. listopada 2010.

prvi put kod doke

e... subota ujutro. jema li bolje od subote za poč prvi put u tonobil, a? a prvi put kod doke, a? di smo bili, a? a di vengo kod najboljega veta na svitu u veterinarsku ambulantu bošnjak na mertojak. veterinaru se odma svidilo kako vičemo, deremo se i cičimo, a narafski sve brezveze jerbo danas je cukrić dobila tek malo pastice kontra glista ako ih eventualno jema. kako maške jeman godinama znan da je ta pasta nešto ča nije neukusno, višje se naide na antiglistos u tableticama koji smrvljen tribaju izist sa spizon. najbolje im je to dat sa malo masla oli margarina i namazat rub usta, pa će se polizat. ako je to u spizi, onda se znaju i ofendit i ne pojist spizu, a grijota je da se baca. na pastu se niko nije idija, samo je cukrić napravila cili show kod veta. e, ma zna vet kako će sa takvima, malo je zgrabija za šijicu i nema mrdanja. onda smo malo bili dobri dok nada oli ja napravi vetu nešto za web-stranicu, a poza tega smo se još malo igrali sa vetom i taj dil štorije jema i na sliku... ova nam se slija svidila, pa je završila i na službenim stranicama veterinarske ambulante bošnjak (www.ambulantabosnjak.hr) . povirite je i nađite moju macu cukrić, a jema još novosti kod doke, pa povirite i zaradi tega. narafski kako je suboton obid mrvu ranije, onda smo sve finili mrvu ranije, a još neke vrlo bitne novitade ča ih jema kod doke ćemo stivat na net ovih dana...

cukrić kod doke by xvii

Nema komentara:

Šufit