e...
jeman jednega susida tot u kvartu ča jema smišnoga biloga pasića. nekako mi pari da čovik voli tega pasića i da mu je puno drag. jema u susida i žena, danas san je mrvu bolje pogledala. pari mi zločesta vištica.
e sad, je li samo zločesta ili je i nešto drugo muči, ne znan, ali vidin da redovito pusti tega pasića pod tonobile i da joj se friga oče li završit o' ispod kojega točka oli ne, e...
ja kad vozin ferman, čak joj i rečen da makne pasića, da ga pripazi i tako to, ma neće tako svak, e...
jutros i jopet ista pisma, uključin motor, da ću krenit, kad ona i jopet pušti tega pasića. narafski da ga nisan satrala jerbo znan vozit tonobil, a i bilo bi mi ga žaj, ali umisto da mi zafali ča pazin još mi je danas ta nesrića o' žene i svašta izgovorila a samo zaradi tega jerbo san joj rekla da pazi pasića.
pitan se voli li uopće tu beštijicu, znači li joj išta muž kojemu taj pas znači i da se možda nije odlučila rišit i pasića i muža, e...
da nije našla kojega jubavnika, a?
1 komentar:
Dobro Jutro Nado,
Ova prica je bas super i nasmijesila san se. Bas je dobra. E prava vistica o' zene. Jude koje nevole zivotinje nevole ni jude. Bas zalosno. Triba se maknit od takvih budala!!!
Zelin ti dobar dan!
Annabella
Objavi komentar